फाल्गुन २४ चितवन । नाबालिग बलात्कार आरोपमा पक्राउ परेका अभिनेता पल शाहलाई गैंडाकोट प्रहरीमा उपस्थित गराइएको छ।
सोधपुछका लागि शाहलाई उपस्थित गराइएको गैडाकोट प्रहरी कार्यालयले जनाएको छ। शाहविरुद्ध एक किशोरीले फागुन ११ गते तनहुँ प्रहरीमा किटानी जाहेरी दिएकी थिइन्। किटानी जाहेरी परेसँगै शाह फागुन १५ गते पक्राउ परी तनहुँ प्रहरीमा हिरासतमा रहेका छन्।शाह प्रकाउ परेसँगै ती नाबालिगले गैंडाकोट प्रहरीमा समेत जाहेरी दिइकी थिइन्। २०७७ चैत ७ गते शाहले सुटिङको क्रममा गैंडाकोट रिसोर्टमा जबर्जस्ती करणी गरेको भन्दै नाबालिगले गैंडाकोट प्रहरीमा उजुरी दिएकी थिइन्।
शाह प्रकाउ परेसँगै ती नाबालिगले गैंडाकोट प्रहरीमा समेत जाहेरी दिइकी थिइन्। २०७७ चैत ७ गते शाहले सुटिङको क्रममा गैंडाकोट रिसोर्टमा जबर्जस्ती करणी गरेको भन्दै नाबालिगले गैंडाकोट प्रहरीमा उजुरी दिएकी थिइन्।
शाहलाई थप अनुसन्धानका लागि गैंडाकोट उपस्थित गराइएको नवलपुर प्रहरीले जनाएको छ। प्रहरीका अनुसार शाहमाथि अनुसन्धानको पक्रिया अगाडि बढाइएको भएपनि सोधपुछ भने सकिएको छैन। सोधपुछपछि थप अनुसन्धान प्रक्रिया अघि बढ्नेछ।
शाहलाई बलात्कार मुद्दामा तनहुँ प्रहरीले पनि दोस्रो पटक १२ दिनको म्याद लिएर शाहमाथि अनुसन्धान गरिरहेको छ ।
