पूर्व–पश्चिम राजमार्गमा पर्ने नारायणी नदीमा ‘सिग्नेचर पुल’ निर्माणका लागि तुँदी निर्माण सेवा कम्पनी छनोट भएको सडक विभागअन्तर्गतको
पुल महाशाखा प्रमुख नरेशमान शाक्यले जानकारी दिएका छन । यससँगै पुल निर्माणको काय अगाडि बढ्ने भएको छ ।
उनका अनुसार अत्याधुनिक प्रविधियुक्त निर्माण हुन लागेको नारायणी पुल दुई लेनको हुने छ । अब बन्ने पुलको आयु कम्तीमा एक सय वर्ष हुने छ । ।
महाशाखा प्रमुख शाक्यले भने, “नारायणी नदीमा अहिले भएको पुलको समानान्तर हुने गरी ४२० मिटर लामो ‘सिग्नेचर पुल’ निर्माण गरिने छ ।२०३८ सालमा निर्माण भएको अहिलेको पुलको आयु ७० वर्ष तोकिएको छ ।२०३८ सालअघि नारायणी नदीमा फेरीको सहायताले यातायातका साधन वारपार गराइन्थ्यो ।
डेढ अर्ब रुपियाँको लागतमा निर्माण हुन गइरहेको पुल स्वदेशी लगानीमा नै निर्माण हुन लागेको हो ।
पुलको निर्माण अवधि चार वर्ष रहेको छ । शाक्यका अनुसार नारायणी पुल निर्माणका लागि चार महिनाअघि गरिएको राष्ट्रिय स्तरको बोलपत्रमा दुई वटा निर्माण कम्पनीले आवेदन दिएका थिए। तुँदी र अनक निर्माण कम्पनीले बोलपत्र भरेकोमा तुँदी निर्माण कम्पनी छनोट भएको हो ।
