देशभर बदली र वर्षाको सम्भावना, केही स्थानमा भारी वर्षा हुने पूर्वानुमान

काठमाडौं, असोज १ – हाल नेपालमा मनसुनको न्यूनचापीय रेखा सरदर स्थानको आसपास अवस्थित रहँदा देशभर मौसम बदली हुने पूर्वानुमान गरिएको छ। अरब सागर र बङ्गालको खाडीबाट आउने जलवाष्पयुक्त हावाको प्रभाव समेत रहेकाले वर्षाको सम्भावना बढेको मौसम पूर्वानुमान महाशाखाले जानकारी दिएको छ।

आज दिउँसोको मौसम

देशभर सामान्य बदली रहनेछ।
बागमती र लुम्बिनी प्रदेशका साथै देशका पहाडी भूभागका केही स्थान र अन्य भूभागका केही स्थानमा मध्यम वर्षा हुने सम्भावना।
कोशी, बागमती र कर्णाली प्रदेशका पहाडी भूभाग तथा लुम्बिनी प्रदेशको तराई क्षेत्रमा एक-दुई स्थानमा भारी वर्षाको सम्भावना।

आज रातिको मौसम

कोशी, मधेस, बागमती र गण्डकी प्रदेशका पहाडी भूभागमा सामान्य बदली रहनेछ।
बाँकी भूभागमा आंशिक बदली रहनेछ।
मध्यम वर्षा: मधेस, कोशी, बागमती र गण्डकी प्रदेशका केही स्थानहरूमा।
भारी वर्षा: मधेस प्रदेश, कोशी प्रदेश र बागमती प्रदेशको पहाडी भूभागका एक-दुई स्थानमा।