चितवन, ६ पौष । अंग्रेजी नयाँ वर्ष सन् २०२४ को जनवरी – १ बाट सुरु हुन लागेको भरतपुर भ्रमण वर्ष –२०२४ केही समयका लागि सारिएको छ ।
आज भरतपुर महानगरपालिकाको कार्यपालिका बैठकले भ्रमण वर्ष केही समयका लागि सार्ने निर्णय गरेको हो । बैठकले आउँदो पुस २२ गते बस्ने नगरपरिषद् बाट थप कार्यक्रम तय गर्ने निर्णय समेत गरेको छ । महानगरले भ्रमण वर्षको तयारी तिव्र रुपमा पारेको थियो । तर महानगरको मुख्य बजार क्षेत्रमै सडक अस्तव्यस्त भएपछि भ्रमण वर्ष सार्न नीजि क्षेत्रले समेत सुझाव दिएको थियो । सोही आधारमा केही समय पछि गर्ने गरी भ्रमण वर्षको समय सारिएको हो ।
यस बारे महानगरले आजै पत्रकार सम्मेलन गरी जानकारी गराउँदैछ ।–00–
