बुटवल,२६ माघ । सीता एयरले दाङको टरिगाउँ विमानस्थलबाट आउँदो फागुन ३ गतेदेखि हवाई सेवा सुरु गर्ने भएको छ । सीता एयरले यसअघि यही माघ २५ गतेदेखि सो विमानस्थलबाट सेवा दिने जनाएको थियो ।
सीता एयरले त्यहाँबाट फागुन ३ गतेदेखि नियमित उडान भर्ने जनाएको छ । सीता एयरले टरिगाउँ विमानस्थलबाट हप्ताको एक दिन उडान भर्नेछ ।
तयारी पूरा नभएकाले त्यहाँबाट उडान भर्ने कार्यलाई केही दिन पर सारिएको सीता एयरका महाप्रबन्धक राजेन्द्रबहादुर सिंहले जानकारी दिए । तुलसीपुर उपमहानगरपालिका–१२, टरिगाउँमा रहेको विमानस्थलबाट फागुनदेखि नियमित उडान भर्ने महाप्रबन्धक सिंहले बताए ।
सीताले सो विमानस्थलबाट सफल परीक्षण उडान गरिसकेको छ ।
