मुग्लिन, २ मंसिर । मुग्लिन–पोखरा सडक आजदेखि आगामी १० दिनसम्म दैनिक चार घण्टा बन्द हुने भएको छ। मुग्लिन–पोखरा राजमार्ग सुधार योजनाअन्तर्गत पश्चिम खण्डमा सडक स्तरोन्नति कार्य गर्न दैनिक केही समय सवारी आवागमन रोकिने आयोजना प्रमुख कृष्ण बहादुर कुँवरले जानकारी दिए।
बन्द हुने समय
आयोजना अनुसार सडक आज (मंसिर २) देखि १० दिनसम्म दुई चरणमा चार घण्टा बन्द हुनेछ—
-
बिहान ६ बजे–८ बजेसम्म
-
मध्यान्ह १२ बजे–२ बजेसम्म
यस अवधिमा पूर्ण तथा आंशिकरूपमा सवारी आवागमन रोकिएर निर्माण कार्य सञ्चालन गरिनेछ।
हाल मुग्लिन–पोखरा सडकखण्डअन्तर्गत तनहुँको जामुने बजारदेखि पोखराको सेती नदी पुलसम्म स्तरोन्नतिको काम भइरहेको छ। कुँवरका अनुसार पोखराको विजयपुर पुलको ‘अपस्ट्रिम साइड’मा दुई लेनको ‘प्रिकास्ट’ तथा ‘प्रिस्ट्रेस’ प्रविधिको नयाँ पुल निर्माण कार्य पनि भइरहेको छ।
वैकल्पिक मार्ग
सडक बन्द हुँदा यात्रु तथा चालकहरूले तलका वैकल्पिक मार्ग प्रयोग गर्न सक्नेछन्—
-
दुई पाङ्ग्रे तथा साना सवारीसाधन:
अर्घौचोक वा बुढी बजार चोकबाट बेलचौतारा हुँदै चाउथे पुगेर आवतजावत। -
ठूला सवारीसाधन:
पावर हाउस चोकबाट बौमारा हुँदै बिरौटा निस्किएर पोखरा मार्ग प्रयोग गर्न अनुरोध।
आयोजनाले केही दिन असुविधा भए पनि स्तरोन्नति सकिएपछि सडक सुगम र सुरक्षित हुने विश्वास प्रकट गरेको छ।–00—
