चितवन, ५ साउन । नेपाली कला, संस्कृति र परम्परागत ज्ञानको संरक्षण तथा प्रवर्द्धन गर्ने उद्देश्यसहित चितवनको कालिका नगरपालिकामा ‘कालिका कला केन्द्र’ स्थापना गरिएको छ।
स्थानीय तहमा कला र संस्कृतिको विकासमा टेवा पुर्याउने लक्ष्यसहित स्थापना गरिएको यो केन्द्रले पुराना लोक गीत, नाटक, नृत्य लगायतका नेपाली सांस्कृतिक सम्पदाको खोज, संरक्षण तथा पुनरावृत्तिमा प्राथमिकता दिएको छ।
केन्द्रले सृजनात्मक अतिरिक्त क्रियाकलाप, परम्परागत ज्ञान, चित्रकला र हस्तकलालाई आधुनिक शिक्षासँग जोडेर स्थानीय प्रतिभाहरूलाई उजागर गर्ने योजना अघि सारेको छ। साथै, यसले स्थानीय उत्पादन र सीपमा आधारित रोजगारी सिर्जना गर्ने लक्ष्य लिएको छ।
कालिका नगरपालिका अन्तर्गत सञ्चालित केन्द्रले विद्यालयस्तरीय विद्यार्थीहरूलाई पनि कला र सीपमूलक तालिम प्रदान गर्ने बताइएको छ। केन्द्रका संयोजकका अनुसार यो संस्थाले स्थानीय युवालाई आत्मनिर्भर बनाउन उद्यमशीलता र आर्थिक विकासमा समेत योगदान पुर्याउने छ।
यसै सन्दर्भमा आयोजित एक समारोहमा कालिका नगरप्रमुखसहित स्थानीय कलाकार, शिक्षक तथा अभिभावकको उपस्थिति रहेको थियो। स्थानीय स्तरमै नेपाली कला र संस्कृति जगेर्नाको लागि भएको यो प्रयासले चितवन क्षेत्रका अन्य नगरपालिकाका लागि समेत प्रेरणा बन्ने विश्वास लिइएको छ।
–00–
