काठमाडौं, २५ असार ।
रसुवा बाढीबाट प्रभावितको उद्धारका लागि गएका सशस्त्रका सहायक हवल्दार विशाल थापा घाइते भएका छन् । बुधबार भिरको बाटो हिँड्ने क्रममा थापा अचानक १० मिटर तल खोचमा खसेका हुन् । उनको टाउको र घुँडामा चोट लागेको छ ।
उनलाई थप उपचारको लागि हेलिकोप्टरमार्फत काठमाडौं ल्याइएको छ । उनलाई एपीएफ अस्पताल बलम्बुतर्फ लगिएको छ ।
बुधबार बिहान रसुवाको गोसाइँकुण्ड गाउँपालिका–३, लिङलिङमा उद्धारको लागि नं। २० गुल्म रसुवाबाट सप्रनिको कमाण्डमा २१ जनाको टोली खटिएका थिए ।
