काठमाडौं, ९ जेठ । चालु आर्थिक वर्ष ०८१/८२ को पहिलो १० महिनामा वैदेशिक रोजगारीका लागि युनाइटेड अरब इमिरेट्स (यूएई) पुगेकामध्ये २६१ जना नेपालीले ज्यान गुमाएका छन्। यूएईस्थित नेपाली दूतावासले दिएको जानकारीअनुसार ०८१ साउन १ गतेदेखि ०८२ वैशाख मसान्तसम्मको अवधिमा सो संख्या रहेको हो।
दूतावासले सार्वजनिक गरेको तथ्यांकअनुसार:
-
साउनमा ३० जना
-
भदौमा ३२ जना
-
असोजमा ३३ जना
-
कात्तिकमा ३५ जना
-
मंसिरमा २४ जना
-
पुसमा १३ जना
-
माघमा २५ जना
-
फागुनमा १७ जना
-
चैतमा १७ जना
-
वैशाखमा ३५ जना नेपालीको मृत्यु भएको छ।
यो अवधिमा औसतमा हरेक महिना २६ जना भन्दा बढी नेपालीले यूएईमा ज्यान गुमाएका छन्।
गत आर्थिक वर्ष ०८०/८१ मा कुल २३१ जना नेपालीको मृत्यु भएको थियो, जसअनुसार प्रत्येक महिनाको औसत मृत्युदर १९ जना थियो। यस वर्ष मृत्युदर अझै बढेको देखिएको छ। यूएईमा नेपालीको मृत्युका प्रमुख कारणहरूमा सडक दुर्घटना, कार्यस्थलमा भएको दुर्घटना, हृदयाघात, मुटुसम्बन्धी रोग लगायतका स्वास्थ्य समस्याहरू रहेका छन्।
विदेशमा काम गर्न जाने नेपालीहरूका लागि सुरक्षाको अवस्था अझै चुनौतीपूर्ण रहेको यो तथ्यांकले देखाएको छ।
