चितवन, २ जेठ । पूर्वपश्चिम राजमार्गअन्तर्गत चितवनको रत्ननगर नगरपालिका–१० मा यात्रुवाहक बस डिभाइडरमा ठोक्किएर दुर्घटना हुँदा १५ जना यात्रु घाइते भएका छन्।
प्रदेश १–०२–००१ ख ९१६२ नम्बरको बस लहानबाट काठमाडौंतर्फ जाँदै गरेको बेला दुर्घटना भएको हो। बसमा ३९ जना यात्रु सवार थिए। दुर्घटनापछि ४ जनालाई पुरानो मेडिकल कलेजमा र बाँकी घाइतेलाई बकुलहर अस्पतालमा उपचार भइरहेको जिल्ला प्रहरी कार्यालय चितवनका प्रहरी नायब उपरीक्षक रवीन्द्र खनालले जानकारी दिए।
प्रहरीका अनुसार सभी घाइतेको अवस्था खतरामुक्त रहेको छ। घटनापछि बस र चालकलाई प्रहरीले नियन्त्रणमा लिएको छ।
दुर्घटनाको कारण खुलाइएको छैन, तर प्रहरी अनुसन्धान जारी रहेको बताइएको छ।
