भरतपुर चितवन, जेष्ठ ६
गोधुली बचत तथा ऋण सहकारी संस्था लि भरतपुर ३ चितवनले आफ्नो १२ औ बार्षिकोत्सबको उपलक्ष्यमा आज गामबेसी चेपाङ केन्द्र रत्ननगरलाई स्टेसनरी प्रदान गरेको छ ।
संस्थाले आज एक कार्यक्रम गर्दै गामबेसी चेपाङ केन्दका अध्यक्ष केपी किरण शर्मालाई कापी, कलम, पेन्सिल लगाएतका सामाग्री हस्तान्तरण्न गरेको हो ।
यस अघि आजै विहान संस्थाले हामी बनाउछौ हाम्रा नगर स्वच्छ भन्ने नाराको साथ विहान ७ बजे देखि ९ बजे सम्म रत्ननगरको विभिन्न स्थानमा सरसफाई गरेको थियो । आजको कार्यक्रम गोधुली बचत तथा ऋण सहकारी संस्था लि. का अध्यक्ष मधु कुवरको अध्यक्षतामा सम्पन्न भएको थियो ।
त्यसै गरि सस्थाले भोलि पनि आफ्नो बार्षिक उत्सब मनोउने जनाएको छ । स्वस्थ्य जिवनका लागि खेलकुद भन्ने नाराकासाथ पहिलो व्याडमिन्टन प्रतियोगिता २०७९ भोलि विहान ७ बजे देखि भरतपुरको कर्भड हलमा संचालन हुने गोधुली बचत तथा ऋण सहकारी संस्थाका प्रमुख कार्यकारी अधिकृत शरद कुमार महत्तोले जानकारी दिनु भएकोछ ।
