बैशाख ६ काठमाण्डौ । बझाङमा भूकम्पको धक्का महसुस गरिएको छ ।
आज बिहान ६ बजेर ३ मिनेटमा भूकम्प गएको राष्ट्रिय भूकम्प मापन केन्द्रका सहायक प्राविधिक राजेश शर्माले जानकारी दिए ।
जिल्लाको सैनापसेला भन्ने ठाउँलाई केन्द्रविन्दु बनाएर ४.१ म्याग्नेच्युटको भूकम्प गएको उनले बताए ।भूकम्पको धक्का बाजुरा, बैतडीलगायत सुदूरपश्चिमका अन्य पहाडी जिल्लामा पनि महसुस गरिएको थियो ।
क्षतिबारे अहिलेसम्म कुनै जानकारी नआएको जिल्ला प्रहरी कार्यालय बझाङले जनाएको छ ।
