चैत्र २६ चितवन । पूर्वी चितवनको खैरहनी नगरपालिका–१२ मा रहेको कुमरोज मध्यवर्ती सामुदायिक वनमा घाँस काट्न गएका स्थानीय वृद्धलाई बाघले आक्रमण गरी लगेको छ ।
आज बिहान ९:०५ बजे खैरहनी १२ स्थित कुमरोज मध्यवर्ती सामुदायिक वनमा स्थानीय ६५ वर्षीय रामप्रसाद धमलालाई बाघले आक्रमण गरेको हो । घाँस काट्न गएका धमलालाई बाघले आक्रमण गरि लगेको जिल्ला प्रहरी कार्यालय चितवनले जानकारी दिएको छ ।
उनको नेपाली सेना र ईलाका प्रहरी कार्यालय खैरहनीको टोलीले खोजी गरिरहेको प्रहरीले जनाएको छ ।
