चैत्र २६ चितवन । चितवनमा दुईवटा म्याजिक एक आपसमा ठोक्किदा ८ जना घाइते भएका छन् ।
आज विहान ८ बजेको समयमा भरतपुर–१४ लाफाचोकस्थित पटिहानिबाट गीतानगर तर्फ आउँदै गरेको ना१ज ६१८८ नम्बरको म्याजिक र विपरीत दिशाबाट जाँदै गरेको ना १ ज ४१८१ नम्बरको म्याजिक भ्यान एक आपसमा ठक्कर खाएको थियो । सो दुर्घटनामा ना१ज ४१८१ नम्बरको म्याजिक चालकसहित दुबै म्याजिकमा सवार ८ जना घाईते भएको चितवन प्रहरीले जनाएको छ ।
घाइते हुनेहरुमा कास्कीको पोखरा १५ नयाँगाउकी ५० वर्षीया कृष्णमाँया सापकोटा, भरतपुर ९ शरदपुर की ४७ वर्षीया सरस्वती देवकोटा, भरतपुर ८ गौरिगन्ज का १८ वर्षीय प्रविण ढकाल, सोही स्थानका १४ वर्षीय सुशिल देवकोटा, २७ वर्षीय सन्जय सापकोटा, १६ वर्षीया सलिना देवकोटा र ३४ वर्षीया अन्जु थपलिया रहेका छन् ।
उनीहरु मध्ये पोखराकी कृष्णमाँया सापकोटाको अवस्था मध्यम र अन्यको सामान्य रहेको प्रहरीले जनाएको छ । घाइतेहरुको भरतपुरस्थित एलाईभ अस्पतालमा उपचार भइरहेको छ । दुबै सवारी साधन र ना१ज ६१८८ नम्बरको म्याजिक चालक ईलाका प्रहरी कार्यालय गितानगरको नियन्त्रणमा रहेका छन् ।
