चैत १८ मकवानपुर । मकवानपुरमा खैरो हिरोईन सहित २ जना पक्राउ परेको छ।
विशेष सुचनाको आधारमा जिल्ला प्रहरी कार्यालय मकवानपुरबाट खटिएको प्रहरी टोलीले जिल्ला मकवानपुर हेटौडा उप महानगरपालिका वडा नं. २ संगमचोक स्थित सडकखण्डमा ना ४३ प ८६५१ नं. को मोटरसाईकलमा जिल्ला मकवानपुर हेटौडा उप महानगरपालिका वडा नं. १५ बस्ने वर्ष २३ को राजेश खाती र सोही मोटरसाईकलको पछाडी सवार रहेकी जिल्ला मकवानपुर राक्सिराङ्ग गाउँपालिका वडा नं. ३ बस्ने वर्ष २० को आयुषा ठकुरीले लुकाई छिपाई ल्याएको २ ग्राम ७५० मिली ग्राम लागू औषध खैरो हेरोईन जस्तो देखिने धुलो पदार्थ फेला परेको हुँदा निजहरुलाई उक्त लागूऔषध र मोटरसाईकल सहित पक्राउ गरेको छ।
दुवै जनालाई सम्मानित मकवानपुर जिल्ला अदालतबाट १६ दिनको म्याद लिई थप अनुसन्धान भईरहेको जिल्ला प्रहरी कार्यालय मकवानपुरका प्रहरी नायव उपरीक्षक जयश्वर रिमालले जानकारी दिए ।
