चैत १३ सर्लाही । आइतबार पूर्व–पश्चिम राजमार्ग अन्तर्गत सर्लाहीको फुलजोरमा यात्रुबाहक बस पुलबाट खस्दा ४ जनाको मृत्यु भएको हो । बसमा सवार ३२ जनाभन्दा बढी यात्रु घाइते भएका जिल्ला प्रहरी कार्यालयले जानकारी दिएको छ ।
वीरगन्जबाट जनकपुरतर्फ जाँदै गरेको ना ४ ख ८५५५ नम्बरको यात्रुवाहक बस पूर्व–पश्चिम राजमार्ग अन्तर्गत फुलजोर खोलामाथि बनेको पुल साँघुरो भएकाले टाटासुमोलाई साइड दिने क्रममा दुर्घटना भएको जिल्ला प्रहरी कार्यालय सर्लाहीका प्रमुख एसपी कृष्ण प्रसाईँले जानकारी दिए ।
दुर्घटनामा चारजनाको घटनास्थलमै मृत्यु भएको सर्लाहीका प्रहरी उपरीक्षक (एसपी) प्रसाईले जानकारी दिए। दुर्घटनामा ३२ जना घाइते भएको उनले बताए। घाइतेहरुको विभिन्न अस्पतालहरुमा उपचार भइरहेको छ।
