चितवन,९ साउन ।– चितवनको रत्ननगर नगरपालिका–१६ पिठुवास्थित नहरमा एक वृद्ध पुरुष मृत अवस्थामा फेला परेका छन्।
स्थानीय कर्ण बहादुर गुरुङ (७५ वर्ष) आज बिहान अन्दाजी ७ बजे आफ्नै घरबाट निस्किएकोमा, केही समयपछि हातीगाडे नहरदेखि करिब १ किलोमिटर दक्षिणतर्फ सोही नहरमा उनको शव फेला परेको जिल्ला प्रहरी कार्यालयले जनाएको छ।
शव फेला परेको जानकारी बिहान ८ बजे अस्थायी प्रहरी पोष्ट पिठुवामा प्राप्त हुनासाथ प्रहरी निरीक्षक तारकेश्वर राईको नेतृत्वमा अस्थायी प्रहरी पोष्ट पिठुवा र प्रहरी निरीक्षक मनिष श्रेष्ठकाे कमाण्डमा इलाका प्रहरी कार्यालय रत्ननगरबाट खटिएको टोली घटनास्थलमा पुगेको थियो। शव फेला परेको स्थान पिठुवा प्रहरी पोष्टदेखि झण्डै २ किलोमिटर उत्तरतर्फ पर्छ।
शवको पहिचान र घटनाको कारणबारे थप अनुसन्धान भइरहेको प्रहरीले जनाएको छ।
