रत्ननगर, जेष्ठ १७
बैशाख ३० मा सम्पन्न स्थानिय निकायको निर्वाचनमा निर्वाचित जन प्रतिनिधिहरुलाई जनकौली मध्यवर्ति सामुदायिक वन उपभोक्ता समितिले आज बधाई तथा शुभकामना कार्यक्रम गरेको छ ।
कार्यक्रममा नव निर्वाचित रत्ननगरका नगर प्रमुख, उप प्रमुख, साविकको बछौली गा.वि.स. हालको रत्ननगर नगरपालिका वडा नं. ५,६ र ७ का वडा अध्यक्ष लगायत सम्पुर्ण जन प्रतिनिधिहरुलाई निमन्त्रणा गरि जनकौली मध्यवर्ति सामुदायिक वन उपभोक्ता समितिको आफ्नै भवनमा संचालन गरेको हो ।
मृगकुन्ज उपभोक्ता समितिका अध्यक्ष दुर्गा प्रसाद घिमिरेको प्रमुख आथित्यमा भएको कार्यक्रममा जनकौली जनकौली मध्यवर्ति सामुदायिक वन उपभोक्ता समितिका निर्वतमान अध्यक्ष घनश्याम तिमिल्सेना विशिष्ट अतिथि रहनु भएको थियो । कार्यक्रम जनकौली मध्यवर्ति सामुदायिक वन उपभोक्ता समितिका अध्यक्ष जोगिन्द्र महत्तोको अध्यक्षतामा सम्पन्न भएको थियो ।
