चितवन । चितवनका २४ वर्षीय दिनेश कँडेल पछिल्ला वर्षहरूमा आफ्ना म्युजिक म्यासअप र नेपाली गीतहरूमा दिएका मधुर स्वरका कारण चर्चामा आएका छन्। सानो उमेरदेखि नै संगीतप्रति गहिरो रुचि राख्ने दिनेश हाल भारतको नयाँ दिल्लीस्थित T-Series Stagework Workshop मा संगीत अध्ययन गरिरहेका छन्।
नेपालमै संगीतको प्रारम्भिक ज्ञान हासिल गरेका दिनेश पछि कोलकाता हुँदै दिल्ली पुगेका हुन्। अहिले उनी Indian Idol र SaReGaMaPa जस्ता प्रसिद्ध रियालिटी शोका कोच — D Jayvant र Sanjay Vidyarthi जस्ता ख्यातिप्राप्त संगीतकारहरूबाट संगीत सिक्दै छन्।
दिनेशका अनुसार यस्तो अवसर नेपाली युवाहरूका लागि दुर्लभ हुन्छ। उनी भन्छन् —
“मलाई यो अवसर प्राप्त हुनु ठूलो सौभाग्य हो। मेरो सपना छ — एकदिन ठूला गायक बनेर नेपाली संगीत क्षेत्रमा योगदान पुर्याउने।”
वि.सं. २०५७ साल साउन २१ गते, चितवनमा बुवा जीवनलाल कँडेल र आमा गीता कँडेलका कान्छा सुपुत्रका रूपमा जन्मिएका दिनेश बाल्यकालदेखि नै संगीतसँग नजिक थिए। घरमा बज्ने लोकगीत र भजनहरू उनका प्रेरणाका स्रोत बने।
शिक्षा यात्रा उनले रामपुरको ग्राण्डी हुँदै भरतपुरस्थित लक्ष्मी माध्यमिक विद्यालयबाट सुरु गरे। विद्यालय जीवनमै गीत गाउने उनको बानीले उनलाई साथीहरूबीच लोकप्रिय बनायो। पछि उनले वाल्मिकी शिक्षा सदनबाट म्यानेजमेन्ट विषयमा उच्च माध्यमिक शिक्षा पूरा गरे।
विद्यालयमा रहेका गुरुहरू — मधुसुदन भुषाल, तारा चापागाईं, ध्रुव भुषाल, प्रशुराम पाण्डे, चन्द्र घले, र विनोद तामाङ — सबैले उनको संगीतप्रतिको लगाव र प्रतिभालाई चिन्न सके र निरन्तर प्रोत्साहन दिए। यही प्रेरणाले दिनेशलाई संगीतको यात्रामा अझ नजिक पुर्यायो।
हाल उनी निरन्तर अभ्यास, अध्ययन र सिर्जनामा व्यस्त छन्। दिनेशको लक्ष्य स्पष्ट छ —
“अन्तर्राष्ट्रिय स्तरमा नेपालको प्रतिनिधित्व गर्दै नेपाली संगीतलाई नयाँ उचाइमा पुर्याउने।”–00—
