सुन तोलामा ११ हजार ६०० रुपैयाँले सस्तो, चाँदी पनि घट्यो

काठमाडौं — नेपाली बजारमा आइतबार (कात्तिक ९ गते) सुनको मूल्य ठूलो परिमाणमा घटेको छ । नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा ११ हजार ६०० रुपैयाँले घटेर दुई लाख ४१ हजार ९०० रुपैयाँ कायम भएको छ ।

तिहार बिदाअघि कात्तिक ३ गते छापावाल सुन प्रतितोला दुई लाख ५३ हजार ५०० रुपैयाँमा कारोबार भएको थियो । त्यसको तुलनामा पछिल्ला सात दिनभित्र सुनको मूल्यमा उल्लेख्य गिरावट आएको हो ।

चाँदी पनि सस्तो

सुनसँगै चाँदीको मूल्य पनि घटेको महासंघले जनाएको छ । आज चाँदी प्रतितोला तीन हजार १५ रुपैयाँ कायम भएको छ, जुन अघिल्लो कारोबार मूल्यभन्दा २६५ रुपैयाँ कम हो ।

कात्तिक ३ गते चाँदी प्रतितोला तीन हजार २८० रुपैयाँमा कारोबार भएको थियो ।