जाजरकोट, ३ भदौं । जाजरकोटमा भूकम्प पीडित बसेको अस्थायी टहरो पहिरोले पुरिँदा एकै परिवारका तीनजनाको मृत्यु भएको छ । आइतबार राति पहिरोले पुरिएर नलगाड नगरपालिका–२ माझगाउँका ४२ वर्षीय लालबहादुर परियार, उनकी श्रीमती ३४ वर्षीया मनिशा परियार र दुई वर्षीय छोरा शिभम परियारको मृत्यु भएको जिल्ला प्रहरी प्रमुख डीएसपी पुरुषोतम पाण्डेले बताए ।
जिल्ला प्रहरी कार्यालय जाजरकोटका अनुसार राति पहिरोमा पुरिएका उनीहरूको शव स्थानीय र प्रहरीले निकालेका थिए ।–00–
