दीपेश चौधरी-
रत्ननगर, २५ पौष । पूर्वी चितवनको रत्ननगरमा चौथो खिचरा कप जिल्ला स्तरीय थारु व्याटमिन्टन प्रतियोगिता २०८० आयोजना हुने भएको छ । स्थानीय परिवर्तन टोल विकास संस्थाले जिल्ला स्तरीय खिचरा कप आयोजना गर्न लागेको हो । रत्ननगर नगरपालिका वडा नं. ९ लालपर्सा स्थित होटल ब्याम्बो ल्याडको परिसरमा आयोजना हुन लागेको प्रतियोगिताको तयारी पुरा भएको छ । प्रतियोगितामा जिल्लाभरका थारु खेलाडीहरुले भाग लिन पाउनेछन् ।
थारु समुदायले नयाँ वर्षको रुपमा मनाउने खिचरा पर्वको अवसरमा प्रतियोगिता आयोजना गर्न लागेको प्रतियोगिताका संयोजक सुखि चौधरीले जानकारी दिनुभयो। प्रतियोगिताको विजेताले दश हजार रुपैयाँ र उपविजेताले पाँच हजार र तेस्रो स्थानमा रहने दुई खेलाडीले जनही पन्ध्रसय रुपैयाँ प्राप्त गर्नेछन् ।
प्रतियोगितामा जिल्लाभरवाट पचास भन्दा बढी खेलाडीले सहभागिता जनाउँदैछन् । प्रतियोगिताको सह आयोजक होटल ब्याम्बो ल्याण्ड र मिलीजुली ब्याडमिन्टन क्बल रहेको छ । –00–
