काठमाडौं । जिल्ला अदालत काठमाडौँले मानव बेचबिखन मुद्दामा मनोजकुमार पाण्डेलाई ७ वर्ष कैद सजाय तोकेको छ । सौन्दर्य प्रतियोगिताको नाममा किशोरीलाई बारम्बार यौन शोषण घटनाका आरोपी मनोज पाण्डेलाई ७ वर्ष कैद सजाय र पीडितलाई ७५ हजार रुपैयाँ क्षतिपूर्ति दिनुपर्ने फैसला गरेको हो । न्यायाधीश दीपक ढकालको इजलासले पाण्डेलाई मानव बेचबिखन गरेको कसुरमा सजाय निर्धारण गरेको हो ।
एक सौन्दर्य प्रतियोगिताको सक्सेस पार्टीको क्रममा आयोजक रहेका पाण्डेले बलात्कार गरेको भन्दै एक युवतीले ८ वर्षपछि सामाजिक सञ्जालमा भिडियो सार्वजनिक गरेकी थिइन् । हदम्याद नाघेकाले उनलाई मानव बेचबिखन मुद्दा चलाइएको हो । सौन्दर्य प्रतियोगिताको सक्सेस पार्टीको क्रममा बलत्कार भएको दाबी गरेकी युवतीविरुद्धको घट्नामा मानव बेचबिखनविरुद्धको मुद्दा र प्रहरी सम्पर्कमा आइ उजुरी दिएकी अर्की नाबालिकाको हकमा बाल यौन दुर्व्यवहारको मुद्दा दर्ता भएको थियो।–00–
