माघ १५, खैरहनी
जंगली हात्तीको आक्रमणबाट खैरहनीको कुमराेजमा ३ जना घाइते भएका छन् ।
खैरहनी १३ सिम्रेनिबाट सौराहा काम गर्न जाने क्रममा आइतबार बिहान ७ बजे हात्तीले आक्रमण गरेको हो । हात्तीको आक्रमणबाट तारा आले, निसा चौधरी र राधा चौधरी घाइते भएका स्थानीय संचारकर्मी संजय दुवाडीले बताए ।
घाइतेलाई उपचारका लागि भरतपुर पठाइएको छ । जंगलको सिमाना जोडिएको इलाफेन्ट केयर नेपाल नजिक जंगली हात्तीले उनीहरुलाइ आक्रमण गरेको खैरहनी १३ का वडा अध्यक्ष कुलप्रसाद भुसालले जानकारी दिए । बिगत तीन दिन देखि हात्तीले खैरहनी १२ र १३ मा आतंक फैलाउंदै आएको छ ।
