भदौ १६, काठमाडौ । भृकुटीमण्डपस्थित काठमाडौँ फन पार्कले कर बुझाएको छ । काठमाडौँ महानगरपालिकाले कर नबुझाए शिलबन्दी गरिदिने चेतावनी दिएपछि फन पार्कले कर बुझाएको हो ।
महानगरले २४ घण्टे असल्टमेटम दिएपछि फन पार्कले आज १७ लाख ३७ हजार कर दाखिला गरेको हो ।
बुधबार महानगरले २४ घण्टाभित्र कर बुझाउन अल्टिमेटम सहितको पत्र काटेको थियो ।
काठमाडौं फनपार्क पूर्व श्रमराज्यमन्त्री एवं म्यानपावर व्यवसायी टेकबहादुर गुरुङले सञ्चालन गर्दै आएका छन् । उनी नेपाली कांग्रेसका नेता हुन् ।
