चैत १९ इलाम । इलाम नगरपालिका–४ मा शुक्रबार रुख ढाल्ने क्रममा लागेर एक जनाको मृत्यु भएको छ।
काट्दै गरेको रुखले लागेर इलाम नगरपालिका–४ कागतेपानीका ५० वर्षीय लालबहादुर गुरुङको घटनास्थलमै मृत्यु भएको हो।
स्थानीय नवीन गुरुङको बारीको पिपलको रुख शुक्रबार दिउँसो ढाल्ने क्रममा उनलाई लागेको जिल्ला प्रहरी कार्यालय इलामले जानकारी दिए। सन्दकपुर गाउँपालिकाका ३२ वर्षीय सुवास राईले ठेक्कामा लिएर इलाम नगरपालिका–४ का स्थानीय सन्तबहादुर राई र कुवेर राईले ढाल्दै गरेको रुखले लालबहादुर गुरुङलाई लागेको हो।
रुख कटाउने सन्दकपुरका सुवास राई र रुख काट्ने इलाम नगरपालिका–४ का सन्तबहादुर र कुँवेरलाई प्रहरीले नियन्त्रणमा लिएर अनुसन्धान गरिरहेको छ।
