चैत १७ चितवन । नारायणगढ मुग्लिन सडक खण्ड अन्तर्गत सत्रकिलोमा एक ट्रकमा आगलागी भएको छ ।
आज (बिहीबार)बिहान ५:५० बजे सर्लाहीबाट ईट्टा बोकेर काठमाडौंतर्फ जाँदै गरेको प्रदेश २(०३००१ ख ६५८७ नम्बरको ट्रकमा आगलागी भएको हो । प्रहरी चौकी जुगेडीका अनुसार आगलागीबाट ट्रक पूर्ण रुपमा क्षति भएको छ ।बिहान ५:५५ बजे घटना बारे खबर प्राप्त हुने बित्तिकै खटिएको प्रहरी टोलीले भरतपुर महानगरपालिकाको दमकलको सहयोगमा आगो नियन्त्रणमा लिएको थियो । आगलागीबाट कुनै मानविय क्षति भएको नभएको प्रहरीले जनाएको छ ।
विपरित दिशाबाट आइरहेका सवारी साधनमा बाटो दिन सडकको बाँयातर्फ च्याप्दा जालीमा ठोकिएर विद्युत सर्ट भई आगो लागेको प्रहरीले जनाएको छ ।
