चैत १४ मकवानपुर । मकवानपुरमा लागूऔषध गाँजा सहित ५ जना पक्राउ गरेको छ।
विशेष सुचनाको आधारमा जिल्ला प्रहरी कार्यालय मकवानपुर र प्रहरी चौकी चौकीटोल मकवानपुरबाट खटिएको प्रहरी टोलीले प्रहरी चौकी चौकिटोलको कार्यालय अगाडी सवारी साधानहरु रोकी चेकजाँच गर्ने क्रममा भैसेबाट हेटौडा तर्फ आउदै गरेको प्र.३-०१-०२३ च ५६४० नं.को योद्दा पिकअप गाडिलाई रोकी चेक जाँच गर्ने क्रममा लुकाई छिपाई ल्याएको लागू औषध गाँजा जम्मा १६५ किलो ८०० ग्राम फेला परेको हुदाँ जिल्ला मकवानपुर हेटौडा उप-महानगरपालिका १३ पदमपोखरी बस्ने बर्ष २८ को अरबिन्द नेपालीलाई उक्त लागुऔषध गाँजा र योद्दा पिकअप गाडी सहित नियन्त्रणमा लिई थप अनुसन्धान भईरहेको ।
त्यस्तै आज बिहान २:४५ बजेको समयमा बिशेष सूचनाको आधारमा ईलाका प्रहरी कार्यालय मनहरी मकवानपुरबाट खटिएको प्रहरी टोलीले गस्ती गर्दै जाने क्रममा जिल्ला मकवानपुर मनहरी गा.पा.वडा नं. ६ स्थित लोथर खोला हुदै खयरघारी तर्फ शंकास्पद रुपमा पिढ्युमा भारी बोकी आईरहेको अवस्थामा जिल्ला धादिङ रोराङ्ग गा.पा. वडा नं. २ बस्ने वर्ष ३० को मान बहादुर चेपाङ्ग,ऐ।ऐ। बस्ने वर्ष ३९ को सन्त बहादुर चेपाङ्ग, जिल्ला मकवानपुर मनहरी गा।पा। वडा नं.३ बस्ने वर्ष ५३ को बुद्धी बहादुर थिङ्ग र जिल्ला चितवन राप्ती न.पा. वडा नं.११ बस्ने वर्ष ५५ को सञ्च बहादुर थिङ्गलाई नियन्त्रणमा लिई निजहरुले बोकेको बोराहरु चेकजाँच गर्दा लागुऔषध गाँजा जम्मा १०० किलो फेला परेकोले निजलाई उक्त लागुऔषध गाँजा सहित नियन्त्रणमा लिई थप अनुसन्धान भईरहेको जिल्ला प्रहरी कार्यालय मकवानपुरका प्रहरी नायव उपरीक्षक जयश्वर रिमालले जानकारी दिए ।
