फागुन २८ चितवन । चितवनमा मोटरसाइकल दुर्घटना हुँदा आमा छोरासहित तीन जनाको मृत्यु भएको छ।
शुक्रबार साँझ इच्छाकामना गाउँपालिका–२ रमाईलो डाँडास्थित भित्री सडक खण्डमा शक्तिखोरतर्फ जाँदै गरेको प्रदेश २–०३–००२ प ५९८६ नम्बरको मोटरसाइकल दुर्घटना हुँदा आमा छोरासहित अर्का एक युवकको मृत्यु भएको हो।मोटरसाइकल अनियन्त्रित भई भिरबाट करिब ३ ०० मिटर तल खस्दा दुर्घटना भएको हो।
दुर्घटनामा मोटरसाइकल चालक ईच्छाकामना–२ बस्ने वर्ष ३४ का नविन गुरुङ्, पछाडी सवार ३० वर्षीया तृकि भनिने प्रतिभा गुरुङ र उनका ५ वर्षीय छोरा आरोन गुरुङको मृत्यु भएको जिल्ला प्रहरी कार्यालय चितवनका प्रवक्ता नरहरि अधिकारीले जानकारी दिए । मृतक चालक प्रतिभाका आफन्त रहेको प्रहरीले जनाएको छ ।
उनीहरुको शव पोष्ट मार्टमका लागि भरतपुर अस्पतालमा राखिएको छ ।
