फागुन २५ मकवानपुर । मकवानपुर प्रहरीले अवैध कपडासहित दुई जनालाई पक्राउ गरेको छ । पक्राउ पर्नेहरुमा पर्साको विरगंज महानगरपालिका वडा नम्वर ३ बस्ने १९ वर्षीय तवकिर जोगी र विरगंज वडा नम्वर २ बस्ने १८ वर्षीय निराज आलमल रहेको जिल्ला प्रहरी कार्यालय मकवानपुरले जनाएको छ ।
उनीहरुलाई जिल्ला प्रहरी कार्यालय मकवानपुरबाट खटिएको प्रहरी टोलीले हेटौंडा उपमहानगरपालिका वडा नम्वर १० पुर्व–पश्चिम लोकमार्ग सडकखण्डबाट पक्राउ गरेको हो । प्रहीले उनीहरुको साथबाट अबैध रुपमा भन्सार छली ल्याएको कुर्ता सुरुवाल, सुरुवालको थानको कपडा, टावेल गरी १ लाख ५ हजार ७ सय रुपैयाँ बराबरको कपडा बरामद गरेको छ ।
पक्राउ परेका उनीहरुलाई आवश्यक कारबाहीको लागि राजश्व अनुसन्धान कार्यालय पथलैया बारा पठाएको प्रहरीले जनाएको छ ।
